لدي أحلام غريبه بعد الرقية ،،اتمني المساعده

السلام عليكم ورحمه الله وبركاتة،،،،

قبل تقريبا 9 شهور كنت مخطوبه لشخص وحلمت بالشيخ علي الطنطاوي يخرج من شاشه تلفزيون بلازما في مكتبه علي هيئه شاب ومره علي هيئته الشايب وكنت اقول هل جبتونا لعراف وامي كانت معي ، بعدها رد علي انا ماني عراف تعالي ونزل من التلفزيون وحطلي ماء بعسل في صينيه قزاز و قالي حركيه وبعدها طلعت عروق كفي وقام يقرا لي الكف مش متذكره اي يد فيهم العرق علي شكل 7 والزاويه المتوحه تواجه الرسغ وعلي الضلع القريب من الابهام 3 نقط اما العرق الثاني وهو الضلع الثاني لرقم 7 مافي شي قالي ان الرجل اللي مخطوبه له الحين ماراح تتزوجينه بس فتره وينتهي( وفعلا بعد تقريبا 5 شهور فسخت الخطبه من غير سبب واضح ) اما الشخص اللي بتتزوجينه واشر علي العرق الثاني وقالي بتتعرفين عليه عن طريف الدكتوره فيروز وظل ياكد علي ويعيد لي الاسم ،،،

بعدها بفتره احلام جن ومن زمان احلم بجن وحيوانات وعقارب وثعابين وهروب وهكذا ،، قدر الله الوالده تدخل المستشفي كنت مرافقه طول الوقت والرقيا كانت علي طول شغاله طبعا كان الوقت رمضان كنت باستمرار احك راسي بشكل فظيع وجسمي ،، بس ماظهر علي اي شي غير ان اقوم اصلي مجبره والقران ماقرأته ،،بعد العيد بدأالم تحت عظمه الفص تحت القفص الصدري وكان في ناغز وفيه ورم زي الحبه الصغيرة ،، وبعدها بفتره سويت حجامه وقالتلي اللي تحجم لازم ترقين انتي عندك عين ماصدقت بصراحه وماهتميت لان مواضيع العين والحسد والسحر ماتستهويني كثير ،،بس بعدالرقيا بديت اتعب واضياق وووضعي تلخبط وبدائت الحاله لما كنت انام مع الوالده كنت احس بثقل ورعشه وبعدين بروده في فخذي اليسار .
بعدها قررت اسمع البقره لماانام لاني كنت اخاف كثير وبعدها بدت الحاله شوي شوي وشغلت الرقيا وبعدها بدئت احس بتنميل زي الكهرب ونفظه في جسمي والم في يدي اليسار وكل ماقريت احس بوخز شديد حتي بوجهي واشياء تتحرك في جسمي ،، و حلمت بعقرب كنت اسبح وهي قدامي حوالين بيتنا القديم وكان المويه غطت نصف البيت والعقرب تسبح
قدامي وكاني جوا نفسي اقول الحين ح تكبر وفعلا كبرت وصارت زي الربيانه بالطول سودا ويوم وصلنا جنب صور مدخل البيت قفزت علي الجدار وفسخت جلدها وتركته علي الجدار ونزلت كانت صغيره وخضرا وكمل نفس السباحه ،،، خلال هذي الايام سالت عن حلمي الاول وقالي الشخص ارقي ارجوكي وماجاوبني علي اي شي رفض يجاوبني،،،


ومع استمرار السماع للرقيا بديت اتعب واتوتر حلمت ب ثعبانين واحد اسود وواحد اخضر ضخمين وكني واقفه علي العباره خشب اللي تمتد من الشاطي للبحر ومعي مسدس وكان الثعابين تطلع من تحتي وذبحت السودا بالمسدس جدت الخضرا ماقدرت اذبحها كل ماحاولت اطخها تحول المسدس يطلق ماء وكاني اسمع ح يقلي ماحتقدرين تذبحينها هي تحبك وانت تحبينها هذي نور وكانها والله فاتحه فمها وتبي تقرب ماتقدر وانا ابي اذبحها ماقدر وازلت جلست علي ركبي ونزلت وهي فاتحه فمها ماهي قادره تأذيني وحطيت في فمها قطعه بلاستيك بيضاء وعظت عليها وانتهي اللي اتذكره،،،

الحين انا ارقي واتعالج والاصوات والحركه اللي بجسمي خفت بس لازالت الحركه والنبضات

اخويه الكبير كان مصاب بسحر وتعالج ولكن لايزال يشوف اشياء وحذرني من قبل وكان يقلي اشياء غريبه بس بصراحه ماني مقتنعه خرافات
وقام يتكلم عن سحر وانه مرسول لي شي ومس ومارد كوني حلممت بقرد يلحقني ،، وانه السحر ماقدر علي بس المارد قدر او المس ،،

بس الحمد الله انا ايماني انشالله قوي بالقران والصلاه والرقيا الله معي

علي فكره انا ساكنه خارج المملكه ادرس بري وكانت تجيني احلام واموري شوي متلخبطه وسبق لي الزواج والانفصال و كل خطبه ماتنجح ياانفصل يامايكمل

شكرا جزيلا

والله أعلى وأعلم

كذبوا في قراءة الكف ،، وكذبت فيروز الدكتورة ،، لا تصدقي خيالاتهم وكذبهم ورقيتك التي تقرأينها رقية السحر ،،،

ويبقى مارد ذكر أو أنثى يحرس سحر تفريق من شخص وحب لآخر فقتل الأول التفريق بفسخ الخطوبة والرقية ،،،
ويبقى المحبة الأزرق أقتله بقراءة سورة يوسف والنور لمدة اسبوع ثم عودي لتخبريني بأعراض الرقية ..

والله أعلى وأعلم

شكرا علي الرد ،،جزاك الله كل الخير

استاذ محبوب انا مستمره علي الرقيا وقرأه القران قربت ختمه والبقره ليته تقريبا 3 اسابيع وعملت حجامة ثانيه قبل اسبوع ،،خرج دم كثير جدا جدا من الرأس والباقي عادي ،،العارض خف بالحركه كثير كان يأذيني لما اسمع القران من السماعات ويتحرك بجسمي بطريقة تقهر ووخز بس انا حاسه انهم كثير لان الحركه في كل مكان ونفس الوقت وعند اذنينتي الثنتين بس الحين الحمدلله اغلب شي متركز برجلي اليسار وشوي نبض باليمين واحيانا يطلع لبطني وظهري قليل بس الملفت انه مع القرأه والرقيا يهرب لمنطقه العوره ،،وانابأذن الله وقدرته معنوياتي مرتفعه ومصممه علي الرقيا و جعنا من القران ماهو شفاء للناس ،، وماتوكلي الاعلي الله ان مسني الضر لاكاشف له الا الله.

بس ابغي اوضح اكثر قصدك بالقرأه للكف هل كانت بمعني نجح ابطال زواجي الاول و وفسخ الخطبه وقتلي للثعبان الاسود هي الرقيا وبقي الاخضر خادم السحر ؟؟
وهل ممكن انه يكون من زمان وانا ماني حاسه لان بين انفصالي وخطبتي الثانيه تقريبا 3 سنين وبينهم كثير كفاح وتعب ومشاكل و تعكيسات بشكل غريب بدراستي والحياة وخاصة الماديه بشكل ملحوظ ،،
اخوي مثل ماقلت لك تقريبا قالي مثل ماقلت الان بس مش بشكل واضح لانه يقول يحلم ويشوف جن ويتكلمون معاه بالحلم ويشوف عالم مع انه جدا ملتزم دينيا بعد مرضة وهذا اللي تقريبا ثبتة بس قالي انه محبه وتخريب بشكل عام للحياه كوني معيده في كلية الطب واحضر دكتوراة الحين ماني متخليه انه ممكن يكون صحيح مع اني مؤمنه بوجود هذي الاشياء ،الرسل اللهم صلي وسلم عليه سحر من يهودي ، بس جدا الوضع غريب وليه الان ظهر هل علشان الرقيا اللي كنت اسمعها مع الوالده في المستشفي خلال شهر رمضان باستمرار وماكنت حاطة ببالي رقيا. وا انه ممكن جديد ؟!؟!
اسفه للاطالة بس هذي تساؤلات ماادري اذا تقدر تساعدني من منطق خبرتك بالرقيا او لا
شكرا جزيلا


ا*

السلام عليكم

اخ محبوب السلام ،،،،
كملت اسبوع علي الرقيا سورة يوسف والنور مع البقره وسورة الدخان والرحمن والحشر والصافات والقيامه والمعوذات والجن الكافرون الرحمن البروج كل يوم
نفس الاحساس لازالت مقاومه من العاض ونوع من الاذي في جسدي وخز وحراره كانها لسع نار في اماكن متفرقه وندوب زرقاء في رجولي وظهري وبالليل الحمدلله اذا جيت انام يخف الحركات واقدر انام واشغل دايم اية الكرسي معاده لين الصبح

بس عندي سؤال هل سمعت بالسعلي او سحر الجن اوشئ زي كذا
لان كاني قريت شي انه يسمي فيروز ماادي كيف يكون اعراضه

شكرا جزيلا

والله أعلى وأعلم

اقرأي سورة الشعراء والقصص يوميا مرة واحدة لمدة 3 أيام فقط ولا تقرأي رجاءاً معها غيرها ...
ثم والمهم جداً لعاد تقرأي عن عالم الجن كثيراً فالله أعلم أنك بغير قصد قرأت في كتب غير جيدة عن الجن ...
{ لن يضروكم إلا اذى } فتوكلي على الله وستكون الأمور بخير خلال الأيام الماضية وخاصة أكثري الدعاء يوم عرفة فإن الله لا يرد الدعاء يوم عرفة ،،،

وأما أخوك فقولي له أن يقرأ الفاتحة كثيراً خلال يومه وليلته ،،، ولا يغتر بمن حوله إن أعانه لوجه الله خير ،،،
وإن طلبوا منه عملاً فلا ،،، لقول الله { ولا تتبعوا خطوات الشيطان } وأن لا يستعن إلا بالله مهما كلموه ...

ودعاؤه قد يكون والله اعلم مستجاب فليدعو لكم ولنا ووفقتم

والله أعلى واعلم